औरंगाबाद:  घरात खेळत असताना अचानक  गळ्याभोवती ओढणीचा फास बसल्याने एका 12 वर्षीय चिमुकल्याचा मृत्यू झाल्याची दुर्दैवी घटना गुरुवारी रात्री उस्मानपुरा भागात घडली. आरमान अजीज कुरेशी वय-12(उस्मानपुरा) असे मृत चिमुकल्याचे नाव आहे. शुक्रवारी रात्री साडेदहा वाजेच्या सुमारास आरमान हा घरात ओढणीच्या साहाय्याने खेळत असताना अचानक त्याच्या गळ्याभोवती ओढणीने गुंडाळले गेले. व फास बसला  घरातील सदस्यांपैकी कुणाला काही समजण्याच्या आतच तो बेशुद्ध होऊन जमिनीवर पडला हा प्रकार लक्षात येताच नातेवाईकांनी त्यास शासकीय घाटी रुग्णालयात हलविले तेथे उपचार सुरू असताना काही तासातच त्याचा मृत्यू झाला.या दुर्दैवी घटनेमुळे परिसरात हळहळ व्यक्त करण्यात येत आहे.या प्रकरणी उस्मानपुरा पोलीस ठाण्यात अकस्मात मृत्यूची नोंद घेण्यात आली आहे.